Past @ Scala

     In project d’exposiziun alla 12avla ediziun dil Antwerp Art Weekend, dils 14 entochen ils 17 da matg 2026.

«wat dingen doen» examinescha co approchas artisticas prendan fuorma. En sia tematica,  s’orientescha il project all’exposiziun historica impurtonta «When Attitudes Become Form», ch’ei vegnida presentada il 1969 ella Kunsthalle Bern. Co semanifestescha oz il rapport denter fuorma e material en la valetta ed impurtonza artistica? «wat dingen doen» mida materials e situaziuns existentas, cun intenziun ni senza. Il material resta da natira puramein fisica, mo entras percepziun ed attituda daventa el enzatgei auter, enzatgei artificial che sa buc vegnir localisau fisicamein. Quei niev material fluent ei l’essenza dallas caussas e da lur effect. Sco in substitut ni segnaplazza sa el surprender differentas fuormas e significaziuns.

     Cun: Denie Put (B), Domenik Gebhardt (CH/D), Gianin Conrad (CH), Kevin Kolland (D/A), Quirina Lechmann (CH/B)

     Liug: Raapstraat 14, Antwerpen (damaneivel dalla Koninklijke Academie voor Schone Kunsten Antwerpen)

     Igl Antwerp Art Weekend ei in’occurrenza dedicada all’art contemporan ad Antwerpen, nua che spazis d’art en ed entuorn lil marcau collaboreschan per festivar e promover l’art contemporan.      Igl Antwerp Art Weekend ei la megliera pusseivladad da scuvierer la scena artistica prosperonta dil marcau cun sias numerusas gallarias, spazis d’art e museums. Ils differents liugs d’occurrenza fan tut il pusseivel per porscher in program vast e numerusas activitads supplementaras.

​

         Sper l’avertura dall’exposiziun ha ei dau ina show da moda dalla collecziun «Red Velvet», nua che models dalla regiun han astgau presentar la pli nova collecziun: Valeria, Franzisca Ladina, Dubi, Lina, Carolina ed Ursin.

         La collecziun «Red Velvet» ei buca orientada commercialmein, mobein in project artistic. Naschiu ei enzatgei denter sculptura e vestgiu. La collecziun «Red Velvet» ei in manifest encunter il sfarlatar: surprendenta, sensuala, consequentamein persistenta e visualmein fetg expressiva. Cheu va ei buc mo per upcycling, mobein per sculpturas textilas – per moda sco medium artistic.

         Responsabla per il styling ei stada Livia Solèr da Mustér.

Il renumau label da moda «leonid matthias» da Frankfurt ha plinavon installau ina pintga stizun ella combra rosa, nua che visitaders han saviu cumprar vestgadira pli prêt-à-porter.

​

Sonda, 23-11-2024, Casti da Löwenberg, Schluein

        El center steva la scumiada denter persunas che fan art e persunas interessadas all’art. Tut girava entuorn il plascher communabel: la legria vid l’art, vid il crear art e vid las discussiuns davart quei. L’intenziun era da crear in dialog viv – denter quels che fan art e quels che l’aman ni che vulan acquistar el.

Igl ingant
        L’exposiziun ei stada colligiada cun in ingant dallas ovras exponidas. Mintga artist ni artista ha fixau sez il prezi minimal per sia ovra. A nus ei stau impurtont ch'ei neschi in offrir dinamic – ina lutga leva denter las ovras. Il medem mument vulevan nus era possibilitar ad amaturs d’art ni a persunas cun in budget pli pign da cumprar art. Igl ingant ha giu liug ella caplutta dil Casti Löwenberg ed ei vegnus menadus da Maria Dunst ed Ernst Jäggli.

​

Exposiziun cun: 

AMV - Art Collective, Québec, Luis Coray, Surselva, Sibylle Feucht, Bonn, Stephan Wittmer, Lucerna, Guillaume Krick, Québec, e Gianin Conrad, Surselva

​

Performanza da Pat Treyer, Lucerna

       Sigl areal vegl dalla KIBAG ei naschiu in eveniment cultural cun intervenziuns artisticas dad artistAs da Cuera, spezialmein per quei liug. Per persunas interessadas a la musica ei vegnida interpretada ina opera da combra concepida e cumponida pigl areal, e pliras bands han giu concerts. Plinavon veva ei ina bar.

​

       ArtistAs

Stefan Daniel, Corinne Rusch, Gian Hähne, Svenja Gansner, Gianin Conrad, Annatina Dermont, Daniel Waldburger, Quirina Lechmann, Lukas Geisseler, Giovanoli

​

       Sigl'areal vegl da KIBAG ei naschiu in eveniment cultural cun intervenziuns artisticas d'artistAs da Cuera, spezialmein per quei liug. Per persunas interessadas a la musica ei vegnida interpretada ina opera da combra concepida e cumponida pigl’areal, ed han pliras bands giu concerts . Plinavon veva ei ina bar.

       Bands: Dr. Dipshit, Liza from the Moon e Clamür

       En cooperaziun cun DAS ESSZIMMER, Bonn e REDAKTION, Lucerna, ha Scala Trun priu part alla Supermarket Independent Art Fair a Stockholm. Exponidas han ils treis spazis d’art: Pat Treyer (CH), Gianin Conrad (CH), Albert Mayr (AT), Simon Kindle, Quirina Lechmann (CH/BE), Sibylle Feucht (DE/CH), Stephan Wittmer (CH).

​

Musicalmein experimental ein Domenico Fraraccio e Quirina Lechmann, che mischeidan tuns electronics e analogs.

Scala Trun all'Independent Art Fair Platforms ad Athen.

       Discuors cun Fis Guldimann e Lucia Degonda, moderau da Lisa Schmidt-Candinas.

        Co tunan tocs d’orchester cun arpa? Fa l'arpa orchester u clavazin superflu? Ei ella ina concurrenza? Co semidan arias d’opera?

       Concert da primavera 2022 cun Julia Steinhauser, arpa, e Quirina Lechmann, sopran.

       Performance musicala cun artist Albert Mayr e Quirina Lechmann. 

       Ensemen intercureschan els l'entschatta e la fin dalla vusch. Tun electric tucca la vusch. Toi sa dapli? 

Ils 1. & 2. da matg 2021: Ina fin d'jamna reussida cun art, concerts, discuors e la pusseivladad da visitar Iglu areal dall'anteriura fabrica da ponn: Hot Wire Extensions, Scrinaria Primo Demont, La Fabrica CNC, La Fabrica Seriafia, Printhaus, Atelier da cuser Sueli Demont, Atelier d'art Gianin Conrad han acier lur portas.

Cuortas scenas d'opera, cumbinadas daniev en la varietat linguistica dalla Surselva e dalla musica. 

Cun Quirina Lechmann, sopran, Hongyu Chen, bariton, & Clau Scherrer, clavazin.

         Exposiziun naven da sonda, ils 27 da settember entochen ils 5 d’october 2025 cun ovras da stöckerselig, Kevin Kolland e Domenik Gebhardt, Simon Kindle e Vincent Hofmann, sco era Jaromir Kreiliger.

         L’exposiziun «midada da roda» ha examinau tgei che ina midada da roda munta egl art. Tier nus ellas Alps stat ina midada da rodas duas gadas ad onn: dallas rodas da stad a quellas d’unviern – e puspei anavos. Mo tgei munta ei, sch’in spazi d’art mida rodas? Tras Trun vegn savens mo passau: ensi per ir sin skis ni a viandar, e l’auter di puspei engiu. Sco ei ei, schai Trun buca per mintgin gest sin via. Tuttina ei, sco ins di, la via savens la finamira. Perquei havein nus adattau nies project d’exposiziun allas cundiziuns dadas. Ei ei era in’art da prender ina pausa e da scuvierer danovamein quei ch’ei damaneivel. In’autra perspectiva – ni sco nus schinumnein ei per romontsch: «midada da roda».

         En il senn dil tetel dall’exposiziun ei l’exposiziun vegnida planisada «rodindamein».

         La performance d’art «das Eirad» ha regurdau vid las difficultads dalla veta. Ultra da quei ha Domenik Gebhardt dau ina improvisaziun da jazz cun trumpeta.

​

         Ina historia empau autra dil classic da giugs da computer Mario Kart, mess en scena en fuorma d’operetta, cun vuschs dall’opera. Ina panna da roda, drama da sentiments e midadas d'atmosfera ein stadas includidas tier nossa princessa frestgamein enamurada (Raimund Wiederkehr) e nies buliu hallucinogen (Quirina Lechmann). Accumpignai ein els vegni da Super Mario (Tomasz Domański) al piano.

         Il public ei vegnius envidaus ad ina via da scuvrida musicala, nua che arias e duets pauc enconuschentas ord operetta ed opera ein stadas el center. Cun ina selecziun assortida da tocs raramain interpretai – per exempel ord l’operetta Schön ist die Welt da Franz Lehár e l’opera Martha da Friedrich von Flotow – sco era tocs pli enconuschents sco Mein lieber Schatz da Emmerich Kálmán ni ord Lucia di Lammermoor da Gaetano Donizetti, ha il program purschiu ina fascinonta caschun da scuvierer scazis zuppai dalla musica classica.

​

       Ina historia cantada da circa ina ura, cumponida ord las melodias las pli enconuschentas dall’opera, dils duets probabel ils pli savens interpretai e dils terzetts ils pli divertents.

       Cantau e giugau dal bariton da Cuera Mattias Müller-Arpagaus, dal tenor spagnol Imanol Laura e dalla sopranista da coloratura Quirina Lechmann – l’Antwerpenesa carschida si a Mustér. Al clavazin accumpignau d'Elizaveta Parfentyeva, ina pianista russa che viva a Turitg.

       Scenografia da Gianin Conrad.

​

       Concert scenisau cun tocs da W. A. Mozart, G. Donizetti, J. Strauss e F. Lehár. Cantau e giugau da Quirina Lechmann, sopran, Tereza Papouškovà, mezzosopran, Hongyu Chen, bariton, ed Ahmad J. Hedar, piano.

Concepida per la situaziun sigl areal alla Pulvermühlestrasse 58 a Cuera.

​

30 settember 2023

Idea: Quirina Lechmann + Gianin Conrad
Libretto: Quirina Lechmann
Cumposiziun: Milica Ilić, Verdi, Mozart
Scenografia: Gianin Conrad
Tecnica: Beni Garrido, ziitsprung.ch
Regia: Gianin Conrad

Cantadras/cantadurs: Hongyu Chen, bariton; Ruicheng Yin, bariton; Quirina Lechmann, sopran
Piano: Ahmad J. Hedar
Violina: Tereza Papoušková
Trax: Roman Spescha
Tanviala: Annina Lutz
Marti: Ursin Conrad
Trianghel: Domenico Fraraccio

Per mirar il film, cliccar sin la fotografia.

​

HOW TO MOVE MOUNTAINS –

       «Move mountains» significa da realisar resultats spectaculars e aparentamein impossibels, sco era da dar tut ils sforzs pusseivels.     

       Omisduas expressions muontan cun dedicaziun e persistenza da midar ni mover enzatgei. Co porscher a in che ei senza valur da vegnir prezius ni il cuntrari? Investiziuns finanzialas ni sistems da bunkers che pretendan da proteger nossa patria e cuostan milliuns ein era en giug. Producescha valur autra valur? Ni daventa ella decadenta e buca pli utilisabla?

       Artists: Gianin Conrad (CH), Quirina Lechmann (CH/BE), Damiano Curschellas (CH/FL), Katleen Vinck (BE), Octave Vandeweghe (BE), Geoffrey De Beer (BE).
       Sustegn: Bart Vanderbiesen (Base Alpha Gallery) e Veerle Wenes (Valerie Traan Gallery).

​

       Igl artist da Lucerna Stephan Wittmer presenta siu niev cudisch TIN CAN cun ina exposiziun sut il candelabri el foyer.

       Pintura – tgei ei quei? Ella ei infinitamein flexibla, midabla, autentica e democratica; ella reussescha da provocar en cuntegn e mintgaton da mantenir en veta il discuors artistic e societal davart e sur l’art. Mintgin di ch’ella ei morta, la pintura resta il medium predominont en l’art, che para buca da svanir e dalla quala ins discutescha adina puspei cun fervur e controverzia davart sia raschun d’exister.

       Quell'exposiziun vuleva dad ina vart illuminar la pintura sco medium per definiziun, mo era conceptualisar ella en differentas posiziuns e divers mieds.

       ArtistAs: Geoffrey de Beer, Mariejon de Jong-Buijs, Kaspar Dejong, Beate Frommelt, Gianin Conrad, Inka ter Haar e Stijn Stevens. Els sa movan mediaelmein da la descripziun alla performance ed igl object, senza piarder igl aug sil camp experimental da la pintura.

       Curatura: Dr. Isabel Balzer.

        L’exposiziun modificada ei stada mussada sco «Imaginary Mountains» en la Ballroom Gallery a Bruxelles.

​

       Novas per la Scala Trun realisadas ovras dad Evelina Cajacob, Fis Guldimann, Lucia Degonda, Luc Isenschmid ed Andrea Todisco en il spazi d’exposiziun, in Artist Talk moderau da Lisa Schmidt-Candinas, e la presentaziun d’ateliers e d’interpresas culturalas sigl areal.

       Per persunas interessadas a la moda: Absynt, Concept Store & Creative Studio ord Winterthur.

​

       Gion Andrea Casanova e Rees Coray interpreteschan cartas da troccas. Co tuna il giavel? Co ils amants? 

       Novas ovras da scolarAs dalla scola d'art Liechtenstein. Curaziun: Dr. Isabel Balzer. 2022.

Exposiziun da students e studentas dalla Scol'aulta da Design & Art Luzern sut direcziun da Stephan Wittmer.

Ina gaglina numnada Simona va sin viadi. A Trun enfla ella ina ballabeina gigantica ed in tec art. Forsa vegn aunc raquintau ina historia ed entgins indigens vegnan sperasvi. En mintga cass ei Simona buc savens persula. 13 studentas e students dalla scol'aulta sefatschentan in'jamna cun Trun, observan, interageschan e seferman. 

Exposiziun d'art da giuvens artists e giuvnas artistas ord ed ella regiun: Julia Barandun/Atelier Alpina, Livio Casanova, Silvie Noemi Demont, Yvonne Gienal, Bruno Kaufmann, Andrina Keller & Rafael Summerauer

Curaziun da Sarah Mühlebach & Gianin Conrad

Discuors bilingual (De-Ro) tier il tema drova ei la cultura da divers lungatgs el vita ed ei art è in da quels lungatgs? 

Cun Quirina Lechmann, Scala Trun, Lisa Schmidt, Trun Cultura, & David Flepp, promotur da lungatg Lia Rumantscha & actur.